धर्म कलह होइन, जीवन जिउने कला हो ।

यहाँका आदिबासीहरु मुर्तिपूजक र देवीपूजक थिए । त्यसै क्रममा धेरैजसो सिन्धु, खास्मिर हुँदै आएकाहरुले नेपाल आसपासकै भुमीमा १००-३००-५००-१००० वर्ष र समयको अन्य कालखण्डमा खोज अनुसन्धान गर्दै विभिन्न वेद ग्रन्थहरुको सृजना गरे। जसमा कुनै भगवानको ब्याख्या भन्दा पनि प्रकृति संग सामन्जस्य पुर्ण ढङ्गले जीवन अघि बढाउन सुर्य पुजा, वायु पुजा, अग्नि पुजा, भूमी पुजा लगायत हवन जस्तो वातावरण संरक्षणमा मद्दत पुग्ने विभिन्न विधी पद्धति, स्वास्थ जीवनका लागि आयुर्वेद लगायत दिगो विकासमा सहायता पुग्ने विभिन्न आर्थिक र अन्य व्यवहारिक कुराको खोज ज्ञान आदिको आविष्कार एवं लिपिबद्ध संग्रह गर्न पुगे ।

त्यही जातीका मानिसले विभिन्न प्राकृतिक प्रकोप सहदै आउँदा सिन्धु सभ्यतामा असर पर्न गएका कारण प्रकृतिलाई पहिलो प्राथमिक दिएर खोज एवं अनुसंधानमा आफ्नो लामो समय विताए । सोही जाती काश्मिर एवं नेपालका पश्चिमी भागमा बसोबास गर्दै पुर्व तर्फ प्रस्थान हुँदै पश्चिमका सिन्जाली सभ्यता संग घुल्दै, यहाँको अझ पुरानो सभ्यता किराँती सभ्यताका केही अनुसरण गदै आए जस्तै मुर्ति पुजा, बली प्रथा आदि । 

तर आज तिनै किराँतहरु आफ्नो धर्म संस्कृति भुलेर हिन्दु भन्ने शब्दमा अल्झिएर फिरङीहरुको इसारामा नाचिरहेको देख्दा उदेक लाग्छ । तिनै किराँतहरु यलम्बर र महागुरु फाल्गुनन्द  बिर्सिएर अरुलाई अङाल्दै छन । जुन दु:खद साथै केहि हास्यास्पद र भोलि समयले उनीहरुलाई पछुतोको विषय पनि बन्न सक्छ । (साथीहरुलाई काले राईको वेदमा के छ ?  भन्ने पुस्तक अध्ययन गर्न अनुरोध गरे । )

थप पुष्ठिका लागि DNA परिक्षण बाट पत्ता लागेको प्रमाण नेपालका आदिबासीले मानेका क्रीस्चियन र तिनै आदिवासीले विरोध गर्ने गरेका ब्राह्मण छेत्रीय जातीहरुको हेप्लोग्रूप R1A मिल्न जान्छ (Haplogroup R1a (Y-DNA) अर्थात युरोपेली र नेपाली ब्राह्मण-छेत्रीयहरुको DNA मिल्छ अर्थात दुबै एक्कै स्थल बाट आएका हुन । Link https://www.eupedia.com/europe/Haplogroup_R1a_Y-DNA.shtml

अर्को Jesus आफैं पनि लामो समय हराउदा बुद्धको चेला बनेर बुद्धका ज्ञान प्राप्त गर्न यही एसिया, तिब्बती भागमा थिए भन्ने विभिन्न प्रमाण भेटिएका छन । जहाँ बुद्ध जन्मिएर ज्ञानको ज्योति बाल्न सफल भएका थिए । आज बुद्धिजम लाई विज्ञानले पनि भविष्यको धर्म भनेर ओकालत गर्नेगर्छ ।

BBC Documentary अनुसार यही भुमी (धेरै जसो हालको काश्मिरको भागमा जिससले पनि लामो समय विभिन्न गुरुहरु संग विताएर गएको भनेर पश्चिमी अनुसन्धानकर्ताहरुले पनि धारणा दिसकेका छ्न । यो कुरा Bible मा जिससको जीवनीमा पनि उनी लामो समय हराएर फेरि आएका भनिएको छ (The Lost Years of Jesus) जस्तै- बुद्ध पनि लामो समय गृह त्यागी भएर हिडेका थिए ।  Source: Jesus In India (BBC Documentary)-https://youtu.be/Z-TOu_AITSI

Jesus in India, Tibet and Persia - An Account Missing from the Bible: Link: https://youtu.be/TEvomvO8cb0 Jesus was a Buddhist Monk BBC Documentary: https://youtu.be/l5rn5ZL9eWQ

खैर धर्मको विषयमा यस्ता अनेकन धारणाहरु बन्न सक्छन जुन सत्य र असत्य जे पनि हुन सक्छ त्यसैले मेरो विचारमा  "धर्म कलह होइन । बल्की जीवन जिउने कला हो ।" Its a Art of Living । जसलाई जसरी जिउन मनपर्छ उसले त्यसरी जिउन सक्छ । तर मुख्य कुरा हामी कुनै रास्ट्रको परिधानमा बसिसकेपछी त्यहाँको राष्ट्रधर्म भने अवस्य हुन्छ । लामो समय देखि चल्दै आएको असल अभ्यास एवं संस्कृति प्रति विदेसीको ईसारामा  प्रहार गर्न सुहाउन्न । खराब कुरितीहरु वेदले सृजना गरेका होइनन् । ति त समाज बन्ने क्रममा सृजित हुँदै आएका हुन । चाहे ती आदिबासी भनिएका बाट हुन वा बसाईसराई भएर आएका बाट हुन !! त्यो मुख्य कुरा भएन, त्यो त्यसबेलाको समाजको कुरा हो ।

अन्यथा दक्षिण भारत र अन्य भारतका भुमीका धेरै हिन्दु भनिएकाहरु (द्रबिड सहित) साकाहारी छन तर नेपालका ब्राह्मणहरु किन मांसाहार भए भन्ने कसैले आज सम्म किन प्रश्न आफैंलाई गर्न सकेन ?  खास कारण नेपाल भुमिमा जस्तो संस्कृति थियो, जस्तो चिसो हावापानी थियो उनीहरु त्यस्तै हुन पुगे । त्यसमा उनीहरुले पाप गरेका होइन जीवन निर्वाह गर्न अपनाएका हुन, यहाँको आदिबासीको संस्कृतिको प्रभाव र केही डार्बिनको सिद्धान्त अनुसार हुनपुगेको हो । 

तसर्थ यो संसारको निर्माण र विभिन्न जाती संस्कृतिको निर्माण त्यति सहजै भएको होइन । तसर्थ सहजै त्यसलाई त्याग्न वा बदल्न भन्दा पनि गहिराइमा पुगेर बुझेर मात्र त्याग, बदल । अन्यथा गहिराई नबुझी मनुष्यलाई कुनै अरुको धर्म अनुसरणमा खुशी मिल्ने भन्ने मिथ्या मात्र हो । 

अर्को जातको कुरा- वेदमा कुनै जात छैन । गीतामा कुनै विभेद छैन । भगवान भोलेनाथ महादेवको त जात धर्म, गोत्र, वर्ण केहि पनि छैन । बिचमा समाज बन्ने क्रममा सृजित हुँदै आएका हुन जातभात, वर्ण, छुवाछूत आदि । तर हामीलाई कस्ले दलित जनजाति बनाएर संविधानमा लेख्न लगायो ? भगवान शिवले कि वेदले ?

यदी वेद त्यस्तो निकृस्ट थियो भने आज तिनै गोराहरुले मान्ने थिएनन र काले राई ले वेदमा के छ ? भनेर PhD गरेर लेख्ने थिएनन होला । 

त्यसैले हिजो समाज बन्ने क्रम हाम्रो बसमा थिएन र भोलीपनी हुनेछैन त्यसैले आज सानो सोच राख्न छाडौ ।  र "वसुधैव कुटुम्बकम" को सिद्धान्तलाई बुझेर मानेर अघि बढौ यसैमा मानव जातीको कल्याण छ । किनकी पुनः लेख्छु "धर्म कलह होइन, जीवन जिउने कला हो ।"

अन्तमा, आजको मितिमा यो लेखीरहदा एउटा कुरा अवश्य लेख्न मन लागेको छ- "आज विश्वमा (अफ्रिका, नेपाल, भारत लगायत देशमा) क्रीस्चियन धर्ममा परिवर्तन हुनेहरु मुख्यतः गरिब, अशिक्षित, आदिवासी, जनजाति, सोझासाझा मानिस आदिको संख्या बढी छ भने जर्मन, रसियन, क्यानाडियन, बेलायती आदि जस्ता मुलुकका मानिस एवं खोज अनुसन्धानमा लागेकाहरु वैदिक धर्म प्रति आकर्षित छन । भारतमा भएको Homa Culture बारे International Conference मा जर्मन वैज्ञानिक Dr. Ulric Berg ले एउटा practical Demo गरेर मन्त्र पढेर होम गर्ने विधि सिकाएका थिए सन २०१६/१७ तिर जसमा म स्वयं पनि सामिल थिए ।"

-(2023 July 25/ २०८०-०४-०९) 7AM

(यो सङग्रह गर्ने क्रममा कही कतै भूल एवम गलती हुन गएमा माफी चाहन्छु ।)

धन्यवाद !

विवेक 

हाल मोरङ, विराटनगर